 |
| Shri Mangeshi |
प्रियोळ येथील श्री मंगेशीचे रोजचे नित्य पुजन
सकाळी सर्वप्रथम जवळजवळ दिड तास चौघडा व इतरवाद्यांच्या मंगलमय ध्वनींची नौबत होते.
चौघडा नगारखान्याच्या उंच ठिकाणी वाजवला जातो व इतर वाद्ये हि श्री मुळकेश्वर देवालयाच्या प्रवेशद्वाराजवळ आणि श्री कौंडिण्य पुरूष यांच्या मंदिराच्या प्रवेश द्वाराशी वाजविली जातात.
काकड आरती करून सुर्योदयापुर्वी देवावरील निर्माल्य विसर्जन करून मग प्रभात पुजा केली जाते.
विशेष पुजा करणा-यांसाठी सात वाजता हजर रहावे म्हणून देवालयाच्या चौकावरील मोठ्या घंटेने इशारत केली जाते.
तेथील वैदिक ब्रम्हवृंद आठ वाजेपर्यंत आपले नैमित्तिक कार्य आटोपून मंदिरात उपस्थित रहातात.
अकरा ते बारा वाजेपर्यंत पुन्हा चौघडा झडतो.दुपारची महाआरती देवकार्यासाठी झालेल्या गर्दीप्रमाणे नियोजन करून होते.
प्रत्येक नोकर वर्गास आपआपल्या जबाबदारीप्रमाणे आपले काम करण्यासाठी
नगा-याच्या डंक्याने इशारत दिली जाते.
दुपाच्या महाआरती पुर्वी जर कोणास आवर्तनअभिषेक असे काही देवकार्य करायचे असेल तर ते केले जाते.
उशीर झाला तर मात्र ही देवकार्य दुस-या दिवशी ठेवली जातात.
संध्याकाळी सहा वाजता पुन्हा चौघड्याची नौबत होऊन श्री मुळकेश्वर, श्री शिवशर्मा यांच्या देवालयात नौबत वाजविनारे वाजंत्री परत मुख्य मंदिरात येईपर्यंत श्री मंगेश देवालयात चौकावर डाव्या बाजूस नृत्यांगनांकडून नृत्यगान होते.
प्रदोषवेळी निर्माल्य विसर्जन झाल्सावर नित्यावर्तने होतात तद्नंतर संध्याकाळी नैवेद्य होवून प्रदोष पुजन अतिशय समरसतेने यथासांग पार पाडतात.रात्री आठ वाजता पुराणिकांना मंदिरात येण्यासाठी घंटानादाने इशारात दिली जाते आणि मग पुराणिक तन्म़यतेने पुराण कथन करतात.
पुराण संपले की पुन्हा ऩगा-याची इशारत दिली जाते व नित्य हरिकिर्तन करणारे हरिदास बुवा देवालयात हजर होवून सुंदर हरिकिर्तन करतात.
या नंतर रात्री 10.30 वाजता आरती होते.
आरती झाल्यानंतर मंत्रपुष्प, वेदघोष होऊन देवकार्य करणारे यजमान ,सर्व जमलेले महाजन यांच्या समवेत अभिष्टचिंतनार्थ प्रार्थना केली जाते.
वेगवेगळ्या पुजा जसे की, रंगपुजा , महारूद्र व इतर उत्सव याकार्यक्रमानिमित्त वैदिक ब्राम्हणांचा आशिर्वाद असा कार्यक्रम होवून ब्राम्हणास दक्षिणा दिली जाते.
सर्व जमलेल्या भाविकांना नैवेद्य प्रसाद वाटला जातो.
हे सर्व होईपर्यंत नृत्यांगना अतिशय सेवाभावाने ईश्वरास आपली नृत्य सेवा अर्पण करीत असतात.
त्यांना देखील प्रसाद देवुन दिवसभराचा पुजनक्रम संपतो.
श्री मंगेशीचा शिबीकेत्सव संपुर्ण वर्षातील प्रत्येक सोमवारी पार पडतो.
दर सोमवारी श्री मंगेश महादेव सुंदर सजविलेल्या पालखीत विराजमान असतात.
 |
| श्री मुळकेश्वर |
जर जाणे झालेच तर न चुकता पालखीउत्सवा वेळेपर्यंत परत यायलाच पाहिजे.
सोमवारी बाहेर जाणे अगदी अपरिहार्य असेल तर जातांना श्रीमंगेश देवाकडे प्रार्थना करून क्षमायाचना करून जावे अशी परंपरा आतापावेतो अविरत चालू आहे.
अशा प्रकारे रोज प्रत्येक जण नित्यनियमाने ठरविलेली आपआपली कर्तव्ये न चुकता पार पाडतो.
II ओम् नमस्ते श्री विश्वेश्वराय त्रिलोचनाय मांगिरीषाय नमोस्तुतेII
कोणत्याही टिप्पण्या नाहीत:
टिप्पणी पोस्ट करा